ໄຂ້ຍຸງລາຍບໍ່ມີອາການເຕືອນ
ນິຍາມກໍລະນີ
ຄົນເຈັບທີ່ມີອາການໄຂ້ລະຫວ່າງ 2-7 ວັນ ແລະ ມີ2 ອາການດັ່ງຕໍ່ໄປນີ້: ປວດຮາກ/ຮາກ, ມີຜື່ນ, ເຈັບຫົວ, ປວດຕາມຕົນໂຕ ແລະ ຂໍ່,ການເຮັດ ຕວກນິເກ ໃຫ້ຜົນບວກ (TT+) ແລະ ເມັດເລືອດຂາວຕໍ່າ
ລາຍງານດ່ວນ ແລະ ສອບສວນ
ຖ້າມີກໍລະນີເພີ່ມຂື້ນຫຼາຍກ່ວາປົກກະຕິ/ການລະບາດທີ່ມີຢ່າງ ໜ້ອຍ 5 ກໍລະນີຂື້ນໄປໃນບ້ານໃດໜື່ງ
ລາຍງານແບບປົກກະຕິ ປະຈໍາອາທິດ
ການເກັບຕົວຢ່າງ
- ເກັບຕົວຢ່າງເລືອດລວມໃສ່ຫຼອດເກັບເຊຣອມ (ບໍ່ມີສານກັນກ້າມ) ແລະ ແຍກເອົາເຊຣອມ
- ເກັບຮັກສາ ແລະ ນໍາສົ່ງຕົວຢ່າງໃນອຸນຫະະພູມ 4 ໍC-8 ໍC(ໃນກ່ອງທີ່ຈະນໍາສົ່ງ ນັ້ນຕ້ອງມີບັ້ງນໍ້າກ້ອນຢ່າງໜ້ອຍ 4 ກ້ອນ
ຂື້ນໄປ)- ສວລ ຈະຕ້ອງໄດ້ຮັບຕົວຢ່າງພາຍໃນ 24-48 ຊົ່ວໂມງ
- ທຸກຕົວຢ່າງແມ່ນ ຈະຕ້ອງສົ່ງມາກວດວິເຄາະເພື່ອຢັ້ງຢືນ, ເຖີງວ່າໄດ້ມີການກວດແບບໄວ (rapid test) ແລ້ວກໍ່ຕາມ!
ການກວດທາງດ້ານວິເຄາະໃນເບື້ອງຕົ້ນ
ຊອກຫາທາດກາຍຕ້ານຕໍ່ເຊື້ອຈຸລະໂລກ ໄຂ້ຍຸງລາຍ (Dengue)
ໄຂ້ຍຸງລາຍມີອາການເຕືອນ
ນິຍາມກໍລະນີ
ບຸກຄົນທີ່ມີອາການໄຂ້ແລະ ມີ2 ອາການ ດັ່ງລຸ່ມນີ້: ປວດຮາກ/ຮາກ, ມີຜື່ນ, ເຈັບຫົວ, ປວດຕາມຕົນໂຕ ແລະ ຂໍ່, ການເຮັດ ຕວກນິເກ ໃຫ້ຜົນບວກ ແລະ ເມັດເລືອດຂາວຕໍ່າ ແລະ ມີອາການເຕືອນດັ່ງລຸ່ມນີ້:
- ເຈັບບໍລິເວນທ້ອງແຮງ ແລະ ທ້ອງອ່ອນນຸ້ມ ແຕ່ເຈັບ
- ມີອາການຮາກຕໍ່ເນື່ອງ
- ມີອາການອັ່ງນໍ້າ
- ມີເລືອດອອກຕາມເຍື່ອເມືອກ
- ງ້ວງຊືມ, ກະວົນກະວາຍ
- ຕັບໃຫ່ຍ >2 ຊມ
- ຜົນວິເຄາະ: ເຮມາໂຕກິຣດ Hematocrit (HTC) ເພີ່ມຂື້ນໃນຂະນະທີ່ຈໍານວນເມັດເລືອດນ້ອຍ (Platlete) ຫຼຸດລົງ
ລາຍງານດ່ວນ ແລະ ສອບສວນ
ຖ້າມີກໍລະນີເພີ່ມຂື້ນຫຼາຍກ່ວາປົກກະຕິ/ການລະບາດ ທີ່ມີຢ່າງນ້ອຍ 5 ກໍລະນີຂື້ນໄປໃນບ້ານໃດໜື່ງ
ລາຍງານແບບປົກກະຕິ ປະຈໍາອາທິດ
ການເກັບຕົວຢ່າງ
ຄືກັນກັບການເກັບຕົວຢ່າງໃນຄົນເຈັບໄຂ້ຍຸງລາຍທີ່ບໍ່ມີອາການເຕືອນ
ການກວດທາງດ້ານວິເຄາະໃນເບື້ອງຕົ້ນ
ຊອກຫາທາດກາຍຕ້ານຕໍ່ເຊື້ອຈຸລະໂລກ ໄຂ້ຍຸງລາຍ (Dengue)
ໄຂ້ຍຸງລາຍຮ້າຍແຮງ
ນິຍາມກໍລະນ
ມີການຮົ່ວໄຫຼຂອງນໍ້າປລາສະມາຢ່າງຮຸນແຮງ ຊື່ງພາໃຫ້ມີ:
- ອາການຊ໋ອກ
- ມີອາການອັ່ງນໍ້າພ້ອມກັບລະບົບຫາຍໃຈຊຸດໂຊມ ຫຼື ມີອາການເລືອດໄຫຼຢ່າງຮຸນແຮງ: ອີງຕາມ ການປະເມີນຜົນຂອງທ່ານໝໍ ຫຼື ມີການແຕະຕ້ອງຮຸນແຮງເຖິງໜ້າທີ່ການຂອງ ອະໄວຍະວະອື່ນໆ:
- ຕັບ: SGOT (Aspartate Transaminase (AST)) ຫຼື SGPT (Alanine Transaminase (ALT)) ≥ 1000
- ລະບົບປະສາດສູນກາງເຮັດໃຫ້ເສຍສະຕິແລະ
- ຫົວໃຈ ແລະ ອະໄວຍະວະອື່ນໆ
ລາຍງານດ່ວນ ແລະ ສອບສວນ ທຸກກໍລະນີ
ລາຍງານແບບປົກກະຕິ ປະຈໍາອາທິດ
ການເກັບຕົວຢ່າງ
ຄືກັນກັບການເກັບຕົວຢ່າງໃນຄົນເຈັບໄຂ້ຍຸງລາຍທີ່ບໍ່ມີອາການເຕືອນ
ການກວດທາງດ້ານວິເຄາະໃນເບື້ອງຕົ້ນ
ຊອກຫາທາດກາຍຕ້ານຕໍ່ເຊື້ອຈຸລະໂລກ ໄຂ້ຍຸງລາຍ (Dengue)
ໄຂ້ຍຸງດຽວນີ້ລະບາດງ່າຍປານໂຄວິດ